"Манчестер Сити" ярим ҳимоячиси Кэлвин Филлипс Англия Премьер-лигасининг бошқа бир вакили қизиқишлари доирасига тушиб қолди.
29 ёшли футболчини собиқ клуби "Лидс" нишонга олган. "Товуслар" вакиллари "шаҳарликлар" билан хавбекни ижарага олиш имкониятини аллақачон муҳокама қилишган, дея хабар бермоқда журналист Жереми Кросс. Агар "Манчестер Сити" инглизнинг ҳафтасига 250 минг фунт (тахминан 285 минг евро) маошининг катта қисмини қопласа, келишув амалга ошиши мумкин.
Филлипсга Европанинг бошқа етакчи чемпионатларида ҳам талаб бор. Жорий мавсумда "Transfermarkt" экспертлари томонидан 10 млн еврога баҳоланган Англия терма жамоасининг собиқ футболчиси майдонда атиги 7 дақиқа ўйнади.
