2025/26 йилги мавсумда "Ливерпуль" уч марта учта тўп фарқи билан мағлуб бўлди ва 1929/30 йилги мавсумда ўрнатилган клуб антирекордини такрорлади, деб ёзади Opta.
"Қизиллар" ўз майдонида Чемпионлар лигасида ПСВга (1:4), АПЛда "Ноттингем Форест"га (0:3) ва Англия Лига кубогида "Кристал Пэлас"га (0:3) имкониятни бой берди.
Жорий мавсумда "Ливерпуль" жами тўққизта ўйинда мағлуб бўлди. Жамоа АПЛ турнир жадвалида 12 турдан сўнг 18 очко билан 11-ўринда бормоқда.
"Ливерпуль" Англиянинг амалдаги чемпиони ҳисобланади.
