"Манчестер Юнайтед" "Вулверхэмптон" футболчиси Жоао Гомесни кузатишда давом этмоқда. Бу ҳақда Manchester Evening News хабар бермоқда.
Британиянинг бошқа ОАВлари берган маълумотларга кўра, "бўрилар" мавсум ўртасида ярим ҳимоячи билан хайрлашмоқчи эмас, аммо бразилияликнинг ўзи манчестерликларнинг еврокубокларда иштирок этмаётганига қарамай, трансферга қизиқиш билдирмоқда.
Transfermarkt портали томонидан 40 миллион еврога баҳоланган 24 ёшли футболчи жорий мавсум 15 та ўйинда майдонга тушиб, 1 та голли узатма ва 5 та огоҳлантириш олди. Унинг ҳозирги клуби омон қолиш учун курашмоқда.
