"Челси" ва "Арсенал" Лондон дербисига тайёргарлик кўрмоқда. Ҳозирда айнан шу икки жамоа Премьер-лига турнир жадвалида икки юқори ўринда бормоқда: "аристократлар" ҳисобида 23 очко, "канонирлар"да эса 29 очко мавжуд. "Челси" устози Энцо Мареска жума кунги матбуот анжуманида рақибни мақтади.
"Албатта, улар фантастик тарзда ҳимояланмоқда. Кўплаб жамоалар гол уриш у ёқда турсин, уларнинг дарвозаси яқинида вазият яратишга ҳам қийналади. Улар ҳимояда жуда яхши, ҳужумда эса шафқатсиз. Улар Премьер-лигада ҳам, Чемпионлар Лигасида ҳам пешқадамлик қилмоқда. Уларни мағлуб этиш учун майдонда қўлимиздан келган барча ишни қиламиз," - деди Мареска журналистларга.
