"Челси" Премьер-лига турнир жадвалида "Арсенал"дан 6 очко ортда қолиб, 2-ўринда бормоқда. Якшанба куни жамоалар ўзаро ўйнайди ва "аристократлар" орадаги фарқни қисқартириш имкониятига эга бўлади. Энцо Мареска чемпионлик учун курашиш имконияти ҳақидаги саволга жавоб берди.
- Ҳар қандай ҳолатда ҳам ҳали жуда эрта - "Арсенал"ни ютамизми ёки йўқ. Ҳозир ноябрнинг охири, олдинда беш-олти ой бор. Февраль-март ойларида биз бирор муҳим нарсага эриша оламизми ёки йўқми, кўрамиз.
- Бир йил олдин "Челси" чемпионлик учун курашишга тайёр эмаслигини айтган эдингиз. Ҳозирчи?
- Менимча, вазият бошқача. Биз яна бир йилни бирга ўтказдик, сабоқ олишимиз мумкин бўлган лаҳзаларни енгиб ўтдик. Лекин ҳозир жуда эрта. Март-апрель ойларида қандай ҳолатда бўлишимиз муҳим," - деди Мареска журналистларга.
