"Аталанта" ярим ҳимоячиси Эдерсон келаси йили клубни тарк этишга тайёр. Бразилиялик футболчининг амалдаги шартномаси 2026/27-йилги мавсум якунланганидан кейин тугайди, шунинг учун бергамоликлар у учун 30 млн евро сўрашади.
Diario АС хабарига кўра, "Манчестер Юнайтед" ва Мадриднинг "Атлетико" клублари ҳамон хавбекка даъвогарлик қилмоқда, шунингдек, "Ювентус," "Интер" ва "Кристал Пэлас" клублари ҳам баҳсда иштирок этишга тайёр.
Жорий мавсумда Эдерсон "Аталанта"нинг 12 ўйинида майдонга тушиб, битта гол ва ассистни ўз ҳисобига ёздириб қўйди. Transfermarkt портали 26 ёшли футболчининг трансфер қийматини 45 млн еврога баҳоламоқда.
