"Барселона" президенти Жоан Лапорта Чемпионлар лигасининг сўнгги турида "Челси"га қарши ўйинда қизил карточка олган марказий ҳимоячи Роналду Араухо ҳақида ўз фикрларини билдириб ўтди.

"Жамоа 10 киши бўлиб ўйнаб ҳам ўзини кўрсатди. Четлатишнинг ўзига келсак, биринчи сариқ карточка жуда қаттиқ бўлди. Мен Араухони қўллаб-қувватламоқчи эдим. Роналдни кўп танқид қилишди, мен буни адолатсиз деб ҳисоблайман. У ҳар доим майдонда борини беради, у бизнинг сардоримиз. У бу қийин лаҳзани бошдан кечириши керак - у жуда ҳиссиётли инсон. Бутун жамоа ютади ва ютқазади. Битта айбдорни қидириш керак эмас", - деди Лапорта интервьюсида.

Яқинда ОАВда Роналд Араухо Лондондаги муваффақиятсизликдан сўнг ўзига келишга қийналаётгани ҳақида маълумот пайдо бўлди.