17 ёшли яримҳимоячи Кристиан Ороско фаолиятини "Манчестер Юнайтед"да давом эттиради.
"Қизил иблислар" Колумбиянинг "Форталез" клубидан ўсиб келаётган юлдуз трансферини ёпди. Инсайдер Фабрицио Романонинг маълумотига кўра, футболчи аллақачон Англияга йўл олган ва у ерда Манчестер гранди билан шартнома имзолайди. Трансфер қиймати 1 млн долларга баҳоланмоқда.
"Манчестер Юнайтед" истиқболли хавбекни ўз сафига қўшиб олмоқчи экани ҳақида бир неча ой олдин маълум бўлганди. Колумбиялик футболчи мамлакат ўсмирлар терма жамоаси сафида 13 та ўйин ўтказган.
Якшанба куни Рубен Аморим жамоаси Премьер-лига доирасида "Кристал Пэлас"га қарши баҳс олиб боради.
