Лондоннинг "Арсенал" клуби бош мураббийи Микель Артета "Бавария" ярим ҳимоячиси Йозуа Киммихнинг яқинда билдирган фикрларига муносабат билдирди.
Чоршанба куни "канонирлар" мюнхенликларга мавсумдаги илк мағлубиятни тақдим этишди - 3:1. Учрашув якунлангач, Киммих "Арсенал" "Бавария"нинг жорий мавсумдаги энг қийин рақиби эмаслигини айтди. Германиялик футболчи "ПСЖ"ни Лондон грандидан юқори баҳолади.
"Ўйлашимча, уларнинг "ПСЖ"га қарши ўйинида жуда ўхшаш манзара кузатилди - барчаси шахсий қарама-қаршиликлардан иборат бўлди. Киммих нимани назарда тутганини тушунаман. Ҳаммаси жойида. Бу ўйиннинг бир қисми. Масала фақат услубда," - деди Артета матбуот анжуманида.
Якшанба куни "Арсенал" Премьер-лига доирасида "Челси"га қарши баҳс олиб боради.
