Ла Лиганинг ўтган турида "Реал" "Эльче" билан 2:2 ҳисобида дуранг ўйнаган эди. Куни кеча "Барселона" президенти Жоан Лапорта ҳакамлар ҳар доим "Реал"га ёрдам берганини айтди. Лапорта мисол тариқасида "қаймоқранглилар"нинг "Эльче"га қарши ўйиндаги голларини келтирди. "Барса" боссининг айтишича, агар ҳакамлик хатолари бўлмаганида, "кўк-анорранглилар" ҳозирда чемпионатда пешқадамлик қилаётган бўларди.
Шанба кунги матбуот анжуманида "Реал" устози Хаби Алонсодан ўша голлар ҳақидаги гап-сўзларга изоҳ беришни сўрашди.
"Уларнинг мухлисларига йўналтириладиган популистик хабарларни яхши биламиз. Биз эса фақат ўз ишимизга эътибор қаратамиз. Асосийси — майдонда ҳалол тарзда ғалаба қозониш. Ҳар бир ўйин - синов," - деди Алонсо матбуот анжуманида.
"Реал" Ла Лигада 2-ўриндаги "Барселона"дан 1 очко олдинда бормоқда.
