Лионель Месси "Интер Майами" сафида МЛСнинг плей-офф босқичини ажойиб тарзда ўтказмоқда. Якшанба куни 38 ёшли ҳужумчи Шарқий конференция финалида "Нью-Йорк Сити"га қарши ўйинда (5:1) голли узатма муаллифига айланди. Аргентиналик футболчи жорий плей-оффнинг бешта ўйинида жами олтита гол ва еттита голли узатмани амалга оширди. Жами 13 та самарали ҳаракат - барча вақтлардаги рекорд кўрсаткич.
Лига финалида Хавьер Маскерано жамоаси Ғарбий конференциянинг ҳал қилувчи жангида "Сан-Диего"ни мағлуб этган (3:1) "Ванкувер Уайткэпс"га қарши майдонга тушади.
Эслатиб ўтамиз, аввалроқ Лионел Месси 29 та гол билан мунтазам чемпионатнинг энг яхши тўпурари бўлганди.
