"Барселона" бош мураббийи Ханс-Дитер Флик "Алавес"га қарши ўйин якунлангач, жамоа ҳужумчиси Рафинья Диасдан нималарни эшитгани ҳақидаги саволга жавоб берди. Бразилиялик келиб, устозининг қулоғига бир нима деб гапирди.
- Камералар Рафинья билан суҳбатимизни тасвирга олди? Буни айтишим керакми, йўқми, билмайман, лекин умуман олганда, у мен бир неча кун олдин жамоага айтган гапни айтди: кейинги ўйинларда биз яхшироқ бўламиз. Биз ривожланамиз. Бор-йўғи шу," - деди Флик журналистларга.
Испания чемпионатининг 14-тури доирасида "Барселона" ўз майдонида "Алавес"ни мағлуб этди (3:1), аммо "кўк-анорранглилар"нинг ўйини мухлислар ва мутахассисларда катта саволлар уйғотди.
