"Барселона" бош мураббийи Ханс-Дитер Флик ҳужумкор ярим ҳимоячи Дани Ольмонинг ўйинига баҳо берди.
27 ёшли футболчи Ла Лиганинг шанба кунги ўйинида "Алавес"га (3:1) қарши баҳсда дубль қайд этиб, "кўк-анорранглилар"га ғалаба келтирди.
"Мен буни биламан, сиз буни биласиз - ҳамма билади. Ольмо - фантастик ўйинчи. У айнан биз унинг ижросида кўришни истаган нарсани кўрсатди. Ҳамма унинг энг яхши формасига киришини хоҳлайди," - дея Фликнинг сўзларини келтиради Managing Barca.
Дани Ольмо жорий мавсум "Барселона" сафида 16 та баҳсда 3 та гол ва 2 та ассистни ўз ҳисобига ёздириб қўйди.
