"Ювентус" ҳужумчиси Кенан Йилдиз Лондоннинг "Арсенал" клубига ўтиши мумкин. Аввал хабар берганимиздек, "канонирлар" аллақачон "кекса синьора"нинг 20 ёшли юлдузининг агенти билан алоқа ўрнатган.
La Repubblica хабарига кўра, инглиз гранди турк учун таклиф тайёрламоқда. "Ювентус" ўз етакчисининг нархини тахминан 97 млн еврога баҳоламоқда.
Кенан Йилдиз жорий мавсум "Бьянконерилар" сафида 17 та ўйинда 5 та гол ва 5 та ассист муаллифига айланди. Шанба куни ҳужумчи Лучано Спаллетти жамоасига "Кальяри"ни мағлуб этишда ёрдам берди (2:1) ва баҳсда дубль қайд этди. Футболчининг амалдаги шартномаси 2029 йилгача мўлжалланган.
