Дортмунднинг "Боруссия" клуби бош мураббийи Нико Ковач жамоасини "Байер" устидан қозонилган ғалаба билан табриклади. Бундеслиганинг 12-туридан ўрин олган учрашув 2:1 ҳисобида якунланди.
"Сен 2:0 ҳисобида олдинда бораётган бўлсанг ва учинчи голни урмасанг, охирида ҳаммаси хавфли бўлиши мумкин. Умуман олганда, биз кучли ўйин кўрсатдик. Биринчи бўлимда тажовузкорроқ бўлишимиз керак эди, аммо танаффусдан кейин ўйинни кучайтирдик. Жамоа олдида шляпамни ечаман", - дея Ковачнинг сўзларини келтиради Bulinews.
"Боруссия" 25 очко билан учинчи, "Байер" 23 очко билан тўртинчи ўринда бормоқда.
