"Монако" вингери Магнес Аклиуш "ПСЖ"га қарши ўйинни сарҳисоб қилди. Франция чемпионатининг ўн тўртинчи туридан ўрин олган ўйин 1:0 ҳисобида мезбонларга ғалаба келтирди.
"Бу ғалабадан хурсандмиз. Унинг таъмини яна бир бор ҳис қилишимиз керак эди. Энди ушбу кайфиятни сақлаб қолиш ва уни кейинги ўйинларга кўчириш жуда муҳим. Бу ўйин бизнинг кўп нарсага қодир эканлигимизни кўрсатди. Тўпга кўп эгалик қилаётган "ПСЖ"га қарши ўйнаш - бу ҳақиқий чақириқ", - дея футболчининг сўзларини келтиради клуб расмий сайти.
"Монако" 23 очко билан турнир жадвалида олтинчи ўринда бормоқда.
