Англия чемпионатининг 13-туридан ўрин олган уй учрашувида "Манчестер Сити" "Лидс" устидан 3:2 ҳисобидаги ғалабани тантана қилди. Учрашув якунлангач, "шаҳарликлар" устози Хосеп Гвардиола жамоа форварди Эрлинг Холанд билан бўлган суҳбат ҳақида гапирди.
"Ўйиндан кейин у билан дам олиш ҳақида суҳбатлашдик. Холанд катта йигит, унга тикланиш учун Доку ва Фоденга қараганда кўпроқ вақт керак. Унга тетик бўлиш муҳим," - дея испаниялик мутахассиснинг сўзларини келтиради Goal портали.
Норвегиялик тўпурар жорий мавсум "шаҳарликлар" сафида 22 та баҳсда иштирок этиб, 22 та гол ва 2 та голли узатмани ўз ҳисобига ёздириб қўйди.
