"Милан"нинг собиқ устози Фабио Капелло Рафаэль Леаунинг навбатдаги муваффақияти ҳақида гапирди. Португалиялик ҳужумчи "Лацио" билан ўйинда ҳал қилувчи голни урди ва Капелло унинг муваффақиятларини мамнуният билан қайд этди.
"Рафа тобора улғайиб, ҳал қилувчи кучга айланиб бормоқда. Кеча дарвозага уч марта зарба бериб, бош билан зарба берди ва ажойиб гол урди. У рақиб дарвозаси олдида тобора хавфли ва қаҳрли бўлиб бормоқда. Аллегрининг иши эса унинг рақиб дарвозасидан ташқаридаги фаолиятига кўпроқ маъно беради", - дея Капеллонинг сўзларини келтиради piamenta.it.
"Милан" Италия чемпионати турнир жадвалида вақтинча 2-ўринга чиқиб олди.
