"Челси" бош мураббийи Энцо Маресканинг фикрича, жамоа Англия чемпионатининг 13-турида тенг таркибда "Арсенал"дан яхшироқ ўйнади.
Учрашув 30 ноябрь, якшанба куни Лондондаги "Стэмфорд Бридж" стадионида бўлиб ўтди ва 1:1 ҳисобидаги дуранг билан якунланди. Мезбонлар сафида эса 38-дақиқада Мойсес Кайседо қизил карточка олди.
"Ўйлайманки, биз тўғри йўналишда кетаётганимизни кўрсатдик. Ўйин ажойиб чиқди, тенг таркибда анча яхши кўринаётгандик. Сен ўн киши бўлиб қолганингда қийин бўлади, лекин биз буни ажойиб тарзда уддаладик. Биз энг яхши ечимларни, энг яхши зоналарни топишга ҳаракат қилдик. Бугун ғалаба қозона олмаган бўлсак ҳам, хурсанд бўлишимиз мумкин," - дея мураббийнинг сўзларини келтиради Sky Sports.
