"Барселона" футболчиси Ламин Ямал Лионель Мессининг ўйин услубини қандай ўзлаштирганини эслади.
Ҳозирда "Интер Майами" шарафини ҳимоя қилаётган 38 ёшли аргентиналик футболчи 2021 йилга қадар "кўк-анорранглилар" шарафини ҳимоя қилган. Ямалнинг дебюти 2023 йилда бўлиб ўтган.
"Бу ғалати, лекин болалигимда умуман дриблингчи эмасдим - мен кўпроқ гол урардим, кўп югурардим. Мессининг узатмаларини ўргандим. Ажойиб паслар берадиган бошқа ўйинчилар ҳам кўп эди, аммо Леонинг узатмалари деярли ҳар доим голларга олиб келарди. Мен тўпни узатишни алдашдан кўра қизиқарлироқ деб ҳисоблардим, чунки бу ўйиннинг ақллироқ жиҳати," - дея Каталония клубининг 18 ёшли юлдузининг сўзларини келтиради Barca Universal.
Жорий мавсумда Ламин Ямал Ханс-Дитер Флик жамоаси сафида 14 та ўйинда 7 та гол ва 9 та голли узатмага муаллифлик қилди.
