"Barselona" futbolchisi Lamin Yamal Lionel Messining o‘yin uslubini qanday o‘zlashtirganini esladi.
Hozirda "Inter Mayami" sharafini himoya qilayotgan 38 yoshli argentinalik futbolchi 2021 yilga qadar "ko‘k-anorranglilar" sharafini himoya qilgan. Yamalning debyuti 2023 yilda bo‘lib o‘tgan.
"Bu g‘alati, lekin bolaligimda umuman driblingchi emasdim - men ko‘proq gol urardim, ko‘p yugurardim. Messining uzatmalarini o‘rgandim. Ajoyib paslar beradigan boshqa o‘yinchilar ham ko‘p edi, ammo Leoning uzatmalari deyarli har doim gollarga olib kelardi. Men to‘pni uzatishni aldashdan ko‘ra qiziqarliroq deb hisoblardim, chunki bu o‘yinning aqlliroq jihati," - deya Kataloniya klubining 18 yoshli yulduzining so‘zlarini keltiradi Barca Universal.
Joriy mavsumda Lamin Yamal Xans-Diter Flik jamoasi safida 14 ta o‘yinda 7 ta gol va 9 ta golli uzatmaga mualliflik qildi.
