"Барселона" бош мураббийи Ханс-Дитер Флик "Алавес"га қарши ўйиндан кейин юз берган эпизодга изоҳ берди.
Немис мутахассиси захира ўриндиғида ўтирганча йиғлаб юборишига сал қолганди.
"Ўша вазият ғалати эди. Хафа бўлдим, чунки кўп бор тўп йўқотдик, захира ўриндиғидаги иккита ёрдамчим қизил карточка олди. Учинчи голни урганимизда ёрдамчим Маркус майдондан четлатилди. У менинг дўстим, бу ерда мен учун энг муҳим одам. Бу менинг хаёлимда айланарди. Мен баҳслашмоқчи эмасдим, бироз нафас олмоқчи эдим. Лекин аҳволим яхши. Мен кучлиман ва клуб кутаётган ҳамма нарсага тайёрман. Бу ерда бўлганимдан бахтиёрман.
Ўйинларда баъзида ҳамма нарса нотўғри кетади, улар кўп энергия олади. Лекин кейин уйга келиб, ўзимни бўш қўяман. Мен хафа эмасдим. Биз ўтган мавсумдаги даражамизда эмасмиз, аммо салоҳиятимиз бор," - деди Флик матбуот анжуманида.
