"Тоттенхэм" бош мураббийи Томас Франк мухлисларга нисбатан танқидий фикрларини билдириб ўтди.

"Фулхэм"га қарши дербидаги мағлубиятдан сўнг (1:2) Франк жамоа дарвозабони Гульелмо Викариога ҳуштакбозлик қилган мухлисларни танқид қилди.

"Агар сиз мени мухлисларини йўқотяпти демоқчи бўлсангиз... бу қанча бўлади: 5, 10, 15, 20 фоизми? Албатта, биз барча 100 фоиз биз билан бўлишини истардик. Ўйлайманки, бизга ишонган барча ажойиб мухлислар "шпорлар"нинг ҳақиқий мухлиси эканликларини тушунишади," - дея Франкнинг сўзларини келтиради журналист Фабрицио Романо.

"Тоттенхэм" 13 турдан сўнг Англия премьер-лигаси турнир жадвалида 18 очко билан 12-ўринда бормоқда.