"Барселона" бош мураббийи Ханс-Дитер Флик матбуот анжуманида жамоанинг асосий дарвозабони - Жоан Гарсия ҳақидаги саволга жавоб берди.
- Жоан Гарсиянинг нимаси сизни кўпроқ ҳайратга солди?
- Бу оддий савол эмас, чунки мен икки буюк дарвозабон - Нойер ва тер Штеген билан ишлаганман. Жоаннинг келажаги порлоқ. Биринчи кунданоқ унинг салоҳиятини кўрдим. У жуда сифатли дарвозабон: оёқ билан яхши ўйнайди, тезкор, ҳаракатчан. Унинг трансфери тўғри қарор бўлди - яқин йилларда у бизга барқарорлик беради," - деди Флик журналистларга.
Жоан Гарсия тиззасидан олган жароҳати туфайли икки ойни ўтказиб юбориб, яқинда сафга қайтди.
