"Барселона" бош мураббийи Ханс-Дитер Флик дарвозабон Марк-Андре тер Штегеннинг истиқболлари ҳақидаги саволга жавоб берди.
Ёзда "Барселона" тер Штегенни сотишга уриниб кўрди, натижада футболчи ва клуб ўртасида зиддият юзага келди. Марк-Андре ҳатто сардорлик боғичидан ҳам маҳрум қилинди. Кейинчалик, футболчи бел жароҳати билан шифохонага ётқизилганидан сўнг, томонлар ярашишди.
- Тер Штеген бўйича режа қандай?
- Ҳозир бу ҳақда гапиришнинг мавриди эмас. Ҳозир у ҳали ўйнашга тайёр эмас. Кутиш керак, кейин эса қадам-бақадам ҳаракат қилиш керак," - деди Флик журналистларга.
Аввалроқ, 33 ёшли тер Штеген қишки трансферлар вақтида "Барселона"ни тарк этиши мумкинлиги ҳақида хабарлар тарқалган эди.
