Кеча "Рубин" клуби ўз майдонида Сербиянинг "Ягодина" жамоасини қабул қилди ва 1:0 ҳисобида ғалаба қозонди. Ўйинда киритилган ягона голга Вагиз Галиулин ҳаммуаллифлик қилди. Энди қозонликлар Европа лигасининг 3-саралаш босқичида Даниянинг "Рандерс" клубига қарши баҳс олиб борадилар.
Россиянинг "Бизнес Онлайн" газетаси спорт таҳририяти кечаги ўйинда ҳаракат қилган "Рубин" футболчилари ҳаракатларини 10 баллик тизимда баҳолаб чиқди. Ўзбекистонлик ярим ҳимоячи Галиулин эса 6.0 баллга баҳоланди. Энг юқори балл эса ҳужумчи Гўкдениз, Карадениз ва Иван Марканога берилди — 6.5 балл.
Вагиз Галиулин — 6.0. Бошланишига ўзбекистонлик футболчи ўзининг чап қанотида довдиради. Лекин дақиқа ўтган сайин ўзини ишончли ҳис қила бошлади: ҳам дриблинг, ҳам жамоавий хатти-ҳаракат нуқтаи назаридан. Рақибдан тўпни олиб қўйиб, ҳужум бошлади ва Гўкдениз Караденизга самарали тўп узатишни амалга оширди.