"Манчестер Юнайтед" "Борнмут" вингери Антуан Семеньо хизматига қизиқиш билдирмоқда, дея хабар бермоқда Фабрицио Романо.

Манбанинг таъкидлашича, "МЮ" бош мураббийи Рубен Аморим ҳақиқатан ҳам Семеньонинг ўйинига ишқибоз, бироқ ҳозирда клуб бошқа позицияни кучайтиришни устувор вазифа деб ҳисобламоқда. Шу билан бирга, инглизлар ҳозирча 25 ёшли футболчи бўйича фаол музокаралар олиб бормаяпти.

Қайд этилишича, "Ливерпуль" ва "Манчестер Сити" футболчининг сотиб олиниши мумкин бўлган шартларидан аллақачон хабардор бўлган ва бу шартлар январь ойидаги трансфер ойнасида ҳам сақланиб қолади.

Семеньо жорий мавсумда 13 та баҳсда 6 та гол урди ва 3 та голли узатмани амалга оширди. Transfermarkt портали футболчини 55 млн еврога баҳоламоқда.