"Manchester Yunayted" "Bornmut" vingeri Antuan Semenyo xizmatiga qiziqish bildirmoqda, deya xabar bermoqda Fabrisio Romano.

Manbaning ta’kidlashicha, "MYU" bosh murabbiyi Ruben Amorim haqiqatan ham Semenyoning o‘yiniga ishqiboz, biroq hozirda klub boshqa pozisiyani kuchaytirishni ustuvor vazifa deb hisoblamoqda. Shu bilan birga, inglizlar hozircha 25 yoshli futbolchi bo‘yicha faol muzokaralar olib bormayapti.

Qayd etilishicha, "Liverpul" va "Manchester Siti" futbolchining sotib olinishi mumkin bo‘lgan shartlaridan allaqachon xabardor bo‘lgan va bu shartlar yanvar oyidagi transfer oynasida ham saqlanib qoladi.

Semenyo joriy mavsumda 13 ta bahsda 6 ta gol urdi va 3 ta golli uzatmani amalga oshirdi. Transfermarkt portali futbolchini 55 mln yevroga baholamoqda.