Мадриднинг "Реал" клуби телевиденийеси Испания Ла Лигасининг 14-туридан ўрин олган "Жирона"га (1:1) қарши ўйиндан кейин бош ҳакам Де Бургос Бенгоэчеанинг ишини танқид қилди.
"Де Бургос "Жирона" билан ўйинда қўпол ва асоссиз хатоларга йўл қўйди. У жамоага энг кўп зарар етказган одам. Ла Лига коррупциялашган. Де Бургос - "Реал"га қарши ўйинларда энг кўп ишлаган ҳакамлардан бири. Муаммо шундаки, VAR ҳакамни чақирмаяпти. "Райо Вальекано" билан ҳам, "Жирона" билан ҳам шундай бўлди. Ўтган йили ҳам "Реал" "Барселона"ни 6 очкога ортда қолдирганди. "Эспаньол" воқеаси, "Осасуна" воқеаси... ва бу йил ҳам шундай бўлди. "Реал" қандай ўйнашидан қатъи назар, ҳақиқат шундаки, ҳакамлар клубни оёғидан чалади, қарор қабул қилиши керак бўлганлар эса ҳаракатсиз қолади, уларнинг раҳбарияти эса буни оқлайди", - дейилади "Реал" телеканалида.
