Бразилия терма жамоаси бош мураббийи Карло Анчелотти "Реал" ҳужумчиси Винисиус Жуниор ҳақида фикр билдирди.

"Винисиус яхши жисмоний формада бўлиши керак. Бизда кўплаб ўзига хос ўйинчилар бор ва мен улардан аъло даражадагиларини танлаб олишим керак. Агар Винисиус ажойиб формада бўлмаса, бошқа футболчини чақираман, чунки жамоада рақобат юқори, айниқса, ҳужумда," - дея Анчелоттининг сўзларини келтиради Madrid Universal.

Бразилия терма жамоаси сафида 25 ёшли Винисиус 45 та ўйинда майдонга тушиб, 8 марта рақиблар дарвозасини ишғол қилди ва 7 та голли узатмани ўз ҳисобига ёздириб қўйди.