Бразилия терма жамоасини бошқараётган италиялик машҳур мураббий Карло Анчелотти "Сантос" ҳужумчиси Неймарнинг 2026 йилги жаҳон чемпионатига чақируви ҳақидаги саволга жавоб берди.
"Кўплаб ўйинчилар жуда кучли ва мен 100 фоиз тайёр бўлганларни танлашим керак. Мен уни жуда истеъдодли деб ҳисоблайман. Унинг жароҳатлар билан омади юришмаяпти. Улар туфайли у оптимал формага эриша олмади," - дея мутахассиснинг сўзларини келтиради Esporte Record.
Бразилия чемпионатининг жорий мавсумида 33 ёшли Неймар "Сантос" сафида 28 та ўйинда 8 та гол ва 4 та голли узатмага муаллифлик қилди.
Неймар сўнгги марта 2023 йил октябрь ойида Бразилия терма жамоаси либосида ўйнаган эди.
