Италия гранди Лондоннинг "Тоттенхэм" клуби дарвозабони билан шартнома имзоламоқчи.
La Gazzetta dello Sport нашри манбаларига кўра, Миланнинг "Интер" клуби янги дарвозабон учун катта маблағ сарфлашга тайёр. "Нерадзуррилар"нинг айни дамдаги устувор мақсади Гульелмо Викарио бўлиб турибди.
Қайд этилишича, 29 ёшли италиялик посбон Италияга қайтишни мақсад қилган, унинг агенти эса аллақачон "Интер" вакиллари билан алоқа ўрнатган. Унинг трансфери тахминан 30 миллион еврога тушиши мумкин.
Бу мавсумда Гульелмо Викарио "Тоттенхэм" сафида барча мусобақаларда 19 та ўйинда 7 та "қуруқ" ўйин ўтказди.
