"ПСЖ" ҳужумчиси Дезире Дуэ йилнинг энг яхши ёш футболчиси - Golden Boy совринини қўлга киритди. Франция терма жамоасидаги шеригига терма жамоа сардори Килиан Мбаппе мурожаат қилди.
"Табриклайман, юлдуз! Бунга тўла ҳақлисан! Лаззатлан, яхши тиклан ва тезроқ сафимизга қайт", - деб ёзди Мбаппе ижтимоий тармоқдаги саҳифасида. Айни дамда Дезире Дуэ жароҳатини даволамоқда.
20 ёшли форвард сўнгги бор 29 октябрь куни майдонда кўриниш берганди. Дуэнинг сафга қайтиши декабрь ойи ўрталарида кутилмоқда.
"ПСЖ" Лига 1 турнир жадвалида "Ланс"дан 1 очко ортда қолиб, 2-ўринда бормоқда.
