"PSJ" hujumchisi Dezire Due yilning eng yaxshi yosh futbolchisi - Golden Boy sovrinini qo‘lga kiritdi. Fransiya terma jamoasidagi sherigiga terma jamoa sardori Kilian Mbappe murojaat qildi.
"Tabriklayman, yulduz! Bunga to‘la haqlisan! Lazzatlan, yaxshi tiklan va tezroq safimizga qayt", - deb yozdi Mbappe ijtimoiy tarmoqdagi sahifasida. Ayni damda Dezire Due jarohatini davolamoqda.
20 yoshli forvard so‘nggi bor 29 oktyabr kuni maydonda ko‘rinish bergandi. Duening safga qaytishi dekabr oyi o‘rtalarida kutilmoqda.
"PSJ" Liga 1 turnir jadvalida "Lans"dan 1 ochko ortda qolib, 2-o‘rinda bormoqda.
