Лондоннинг «Тоттенҳэм» клуби яримҳимоячиси Гарет Бэйл жамоани тарк этиб Испанияга йўл олишни режалаштираётганини билдириб ўтди.
«Бизнинг келишувимиз бор. Сиз менга агар клуб Европа чемпионлар лигаси йўлланмасини қўлга кирита олмаса бошқа жамоадан тушадиган таклифларни кўриб чиқишга рухсат беришингизни ваъда бергандингиз».
«Энди сизда бу ваъдани бажариш мажбурияти бор. Мен эса «Реал»га ўтишни истайман. Шундай экан сўзингизни устида туринг ва клуб билан музокараларни бошланг», дея «Тоттенҳэм» раҳбарларига мурожаат қилган Бэйл.
Эслатиб ўтамиз, ҳозирда «Тоттенҳэм» Бэйлни 120миллион евро эвазига сотишни режалаштирмоқда. Футболчининг ўзи эса клуб билан шахсий шартнома борасида келишиб олгани борасида хабарлар мавжуд.