"Манчестер Сити" бош мураббийи Хосеп Гвардиола ҳужумчи Эрлинг Холанд ҳақидаги саволга жавоб қайтарди.

Норвегиялик футболчи "Фулхэм"га қарши кечган баҳсда (5:4) бир гол ва иккита ассист билан қаҳрамонга айланди. Бу форвард учун Премьер-лига доирасидаги юзинчи гол бўлди - у бу кўрсаткичга атиги 111 ўйинда эришди ва афсонавий Алан Ширернинг рекордини янгилади.

"Холанд ақл бовар қилмайдиган, жуда таъсирли. Бугун у шунчаки ажойиб ўйин кўрсатди, фантастик гол урди. Умид қиламанки, у клубимизда ўйнашни давом эттириш ва тобора кўпроқ гол уриш истагида ёнмоқда," - дея Гвардиоланинг сўзларини келтиради ВВС.

Премьер-лиганинг жорий мавсумида Эрлинг Холанд 15 та гол билан тўпурарлар рўйхатини бошқариб турибди.