Мадриднинг "Реал" клуби собиқ футболчиси Иван Саморано Винисиус Жуниор ҳақидаги фикрлари билан ўртоқлашди.

Матбуотда бразилиялик вингер 2026 йилда "қироллик клуби"ни тарк этиши мумкинлиги ҳақида узоқ вақтдан бери миш-мишлар юрибди, аммо чилилик собиқ ҳужумчининг сўзларига кўра, Мадрид гранди футболчи билан хайрлашмаслиги керак.

"Винисиус кучли характерга эга, у ўйинлар давомида рақибларга зарба беради, аммо майдондан ташқарида шубҳали баёнотлар бермайди, ортиқча шовқин кўтармайди. "Реал"га рақиблар билан тўқнашувга олиб келса ҳам, клубни жон-жаҳди билан ҳимоя қиладиган футболчилар керак. Винисиус айнан шундайлардан", - дея Иваннинг сўзларини келтиради Madrid Zone.

"Қаймоқранглилар"нинг юлдузи билан амалдаги меҳнат шартномаси 2027 йилнинг ярмигача мўлжалланган.