АПЛнинг ўн тўртинчи турида "Фулхэм" 4та гол урганига қарамай, "Манчестер Сити"га ютқазди. "Дачачилар"нинг португалиялик устози муваффақиятсиз кечган ўйин ҳақида фикр билдирди.
"Албатта, бу ўйинда жуда кўп ижобий жиҳатлар бўлди, лекин умуман олганда, ҳиссиётлар яхши эмас. Ўйинни муваффақиятсиз, жуда юмшоқ бошладик. Дастлабки 20 дақиқа қийин кечди. Ва сиз тўртта гол уриб, мағлуб бўлсангиз - бу хавотирли", - дея Силванинг сўзларини келтиради BBC Sport.
Англия чемпионати доирасидаги навбатдаги ўйинда "Фулхэм" 6 декабрь куни "Кристал Пэлас"га қарши майдонга тушади.
