"Астон Вилла" бош мураббийи Унаи Эмери ярим ҳимоячи Росс Барклининг жароҳати ҳақида гапирди. Ўтган турда "Вулверхэмптон"га қарши ўйинда Баркли иккинчи бўлимда захирадан майдонга тушган, бироқ кўп ўтмай алмаштирилганди.
"Барклининг жароҳати биз кутганимиздан ҳам жиддийроқ бўлиб чиқди. У қанча вақт ўтказиб юборишини аниқ билмайман. Эҳтимол, бу 8-12 ҳафта давом этади. Умид қиламанки, камроқ. Афсусдаман, чунки у бизга катта ёрдам бераётганди ва асосий таркибга киришга яқин эди," - деди Эмери матбуот анжуманида.
Чоршанба куни "Астон Вилла" Англия чемпионати доирасида "Эвертон" меҳмони бўлади.
