Англия чемпионатининг 14-туридан ўрин олган учрашувда «Лидс Юнайтед» ўз майдонида «Челси»ни 3:1 ҳисобида мағлуб этди. «Элланд Роуд»да бўлиб ўтган беллашувда мезбонлар ўйин бошиданоқ устунликни қўлга киритди.

6-дақиқаёқ Яка Бийол зарбаси мезбонларга ҳисобдаги устунликни тақдим этди. Биринчи таймнинг якунига яқин Ао Танака ҳисобдаги фарқни оширди  2:0. Иккинчи бўлим бошларида Педру Нету бир гол билан жавоб қайтарди, аммо «Лидс» 72-дақиқа Доминик Калверт-Льюин томонидан урилган гол орқали фарқни яна иккитага оширди.

Бу натижадан кейин «Лидс Юнайтед» 14 очко билан 17-ўринда қолмоқда. «Челси» эса 24 очко билан 4-ўринда жойлашган.

Кейинги турда «Лидс» 6 декабрь куни ўз майдонида «Ливерпуль»ни қабул қилади. «Кўклар» эса шу санада сафарда «Борнмут» билан баҳс олиб боради.

Англия — Премьер-лига, 14-тур
3 декабрь 2025 йил, чоршанба. Лидс. «Элланд Роуд» стадиони.
Лидс Юнайтед — Челси — 3:1
Голлар: 1:0 — Бийол, 6', 2:0 — Танака, 43', 2:1 — Нету, 50', 3:1 — Калверт-Льюин, 72'