АПЛнинг 14-туридан ўрин олган учрашувда «Арсенал» ўз уйида «Брентфорд»ни 2:0 ҳисобида мағлуб этди. «Эмирейтс»да ўтган беллашувда мезбонлар ўйинни тўлиқ назорат қилиб, муҳим ғалабага эришди.

Учрашувнинг 11-дақиқасида Микель Мерино аниқ зарбаси билан ҳисобни очди. «Канонирлар» бутун ўйин давомида устунликни қўлдан бой бермади ва 90+1-дақиқа Букайо Сака жамоасининг иккинчи голини урди.

Бу ғалабадан кейин «Арсенал» 33 очко билан турнир жадвалида 1-ўринда қолмоқда. «Брентфорд» эса 19 очко билан 13-поғонада жойлашган.

Кейинги турда «канонирлар» 6 декабрь куни сафарда «Астон Вилла»га қарши ўйнайди. «Асаларилар» эса шу санада «Тоттенхэм Хотспур» меҳмони бўлади.

Англия — Премьер-лига, 14-тур
3 декабрь 2025 йил, чоршанба. Лондон. «Эмирейтс» стадиони.
Арсенал — Брентфорд — 2:0
Голлар: 1:0 — Мерино, 11', 2:0 — Сака, 90+1'