"Арсенал" бош мураббийи Микель Артета "Брентфорд"га қарши кечган ўйинда энг яхши деб топилган ҳимоячи Бен Уайтнинг ҳаракатларига баҳо берди.

"Унинг муносабати тўғри эди, у ижобий эди. У қўлга киритган имкониятидан фойдаланди. У бизга энг яхши кўринишда қайтганидан жуда хурсандман. У бизга керак бўлади, чунки у ажойиб ўйинчи," - дея Артетанинг сўзларини келтиради журналист Фабрицио Романо.

Англия Премьер-лигасининг 14-туридан ўрин олган учрашув "Арсенал"нинг "Брентфорд" устидан 2:0 ҳисобидаги ғалабаси билан якунланди. Уайт майдонда тўлиқ 90 дақиқа ҳаракат қилди ва голли узатмани амалга оширди.