Жорий йилги мавсумни Қозоғистоннинг "Элимай" клубида ўтказган легионер - ҳимоячи Неманя Чаласан"Андижон"нинг янги аъзосига айланди.

У 1996 йилнинг 17 март санасида Сербияда таваллуд топган. Фаолияти мобайнида Сербиянинг "Бачка Суботица", "Спартак", "Чукарички", Португалиянинг "Шавиш" ва "Лейшоэш" каби жамоаларида ҳам тўп сурган. Охирги клуби эса юқорида айтиб ўтганимиздек, "Элимай" ҳисобаланади.

Чаласан Қозоғистон Премьер-лигаси ва Кубок мусобақасида ҳаммаси бўлиб, 28 та учрашувда майдонга тушган ва 4 та голли узатмани бажарган. Умумий ҳисобда эса ушбу ҳимоячи ҳозирга қадар фаолияти давомида 229 та ўйинда қатнашиб, рақиблар дарвозасига 6 та гол урган ва 9 та голли пас берган.