Лондоннинг «Челси» клуби «Метц»нинг 16 ёшли ҳужумчиси Брайан Маджо ва «Лилль»нинг 18 ёшли яримҳимоячиси Айюб Буаддига қизиқиш билдирмоқда, деб хабар беради Caught Offside.

Манба маълумоти кўра, лондонликлар ушбу футболчиларни яқинлашиб келаётган трансфер ойналари давомида сотиб олиши мумкин. Қолаверса, «Челси» ва «Страсбург» бир консорциум томонидан бошқарилаётгани сабабли, Буадди учун Франция клуби «идеал тажриба майдони»га айланиши эҳтимол қилинмоқда. Бу ерда у Англия Премер-лигасига ўтишдан олдин керакли ўйин амалиётига эга бўлиши мумкин.

Жорий мавсумда Буадди барча турнирлар доирасида 18 та ўйинда майдонга тушиб, бир голли узатма амалга оширган. Маджо эса 7 та учрашувда иштирок этиб, 2 та гол ва 1 та ассист қайд этган.