Londonning «Chelsi» klubi «Mets»ning 16 yoshli hujumchisi Brayan Madjo va «Lill»ning 18 yoshli yarimhimoyachisi Ayyub Buaddiga qiziqish bildirmoqda, deb xabar beradi Caught Offside.

Manba ma’lumoti ko‘ra, londonliklar ushbu futbolchilarni yaqinlashib kelayotgan transfer oynalari davomida sotib olishi mumkin. Qolaversa, «Chelsi» va «Strasburg» bir konsorsium tomonidan boshqarilayotgani sababli, Buaddi uchun Fransiya klubi «ideal tajriba maydoni»ga aylanishi ehtimol qilinmoqda. Bu yerda u Angliya Premer-ligasiga o‘tishdan oldin kerakli o‘yin amaliyotiga ega bo‘lishi mumkin.

Joriy mavsumda Buaddi barcha turnirlar doirasida 18 ta o‘yinda maydonga tushib, bir golli uzatma amalga oshirgan. Madjo esa 7 ta uchrashuvda ishtirok etib, 2 ta gol va 1 ta assist qayd etgan.