Испания терма жамоаси ва "Валенсия" клубининг собиқ дарвозабони Сантьяго Канисарес Мадриднинг "Реал" клубида тўп тепаётган бельгиялик дарвозабон Тибо Куртуа ҳақида гапирди.
"Тибо - мен кўрган энг яхши дарвозабон. Бунга шубҳам ҳам йўқ. Менинг фикримча, Куртуа ажойиб сифатлар арсеналига эга бўлган энг яхши дарвозабон. Ҳужумчилар ҳақида гапирадиган бўлсам, Роналду, Месси, Марадона, Мбаппе ва Роналдони айтишим мумкин", - дея Канисареснинг сўзларини келтиради Mundo Deportivo.
33 ёшли бельгиялик 2018 йилнинг ёзида "қироллик клуби" сафига қўшилганди. Куртуа ва "қаймоқранглилар" ўртасидаги амалдаги шартнома муддати 2027 йилнинг июнь ойи охирида тугайди. Унинг бозор қиймати 20 миллион еврога баҳоланмоқда.
