"МЮ"нинг собиқ футболчиси Гари Невилл жамоанинг навбатдаги муваффақиятсизлигидан кейин изоҳ берди. АПЛнинг ўн тўртинчи туридан ўрин олган ўйинда Рубен Аморим шогирдлари "Вест Хэм"ни мағлуб эта олмади (1:1).

"Мен буни тушунмаяпман. Мен реакция ва интенсивликнинг йўқлигини тушунмайман. Мен секин ўйнашни тушунмайман. Мен хавф йўқлигини тушунмайман.

Аморим бизга бошиданоқ кўпроқ интенсивликни хоҳлаганини айтди. Бу майдонда намоён бўлмайди. Нега бундай бўлади? Менда тушунча йўқ. Ҳақиқий иштаҳани, олдинга ташланиш ва бутун борлиғини ўйинга бағишлашга тайёрликни кўрмаяпман," - дея Невиллнинг сўзларини келтиради Sky Sports.

Бу учрашувдан кейин "МЮ" 22 очко билан саккизинчи, "Вест Хэм" 12 очко билан ўн саккизинчи ўринда бормоқда.