"Ливерпуль" бош мураббийи Арне Слот "Лидс"га қарши АПЛ сафар ўйини олдидан футболчиларнинг ҳолати ҳақида гапириб, асосий эътиборни Коннор Брэдлининг сафга қайтганига қаратди.
"Конор Брэдли шу ҳафтада машғулот ўтказди, у бугун ҳам майдонга тушади ва эртага бўлиб ўтадиган ўйин қайдномасига киритилиши мумкин, деб ўйлайман", - деди Слот матбуот анжуманида.
Шу билан бирга, нидерландиялик мураббий Жо Гомес "Вест Хэм"га қарши ўйинда (1:1) кичик жароҳат олганини ва учрашувни охиригача ўйнай олмаганини, аммо машғулотларда иштирок эта олишини маълум қилди.
