"Бетис" бош мураббийи Мануэль Пеллегрини Ла Лиганинг 6 декабрь куни бўлиб ўтадиган "Барселона"га қарши ўйини олдидан вингер Ламин Ямал ҳақида фикр билдирди.

"Ламин Ямал - дунёнинг энг яхши футболчиларидан бири, албатта. У буни ўйиндан-ўйинга исботламоқда.

Аммо Лионель Месси билан ҳар қандай таққослаш салбий маънога эга бўлади. Бирини иккинчиси билан солиштириб бўлмайди.

Мессининг фаолияти 20 йил давом этган. Ва унинг улкан ютуғи, худди Криштиану Роналду каби, у ҳеч қачон тўхтамаган.

Ламин энди бошлаяпти. Унинг истеъдоди бор ва у ўз устида ишлашда давом этиши керак. У фаолиятини якунлагач, биз уларни таққослашимиз мумкин," - деди Мануэль Пеллегрини.

Бу мавсумда Ямал Ла Лигада 11та ўйинда 5та гол урди ва 7та голга ассистентлик қилди.