"Барселона" бош мураббийи Ханс-Дитер Флик мураббийлик фаолиятидаги энг қийин нарса нима, деган саволга жавоб берди.
"Менинг ишимда энг қийини - фақат 11 футболчи ўйнай олиши. Ўйнамаётганлар норози бўлиши нормал ҳолат. Лекин буни қабул қилиш керак. Барча футболчилар ва айниқса, ўйнамаётганлар билан гаплашишга ҳаракат қиламан.
Мен ўзим профессионал футболчи бўлганман ва уларнинг фикрларини биламан. Улар касбдан завқ олишлари керак. Захирада бўлишни тўғри бошдан кечириш керак", - деди Флик матбуот анжуманида.
6 декабрь, шанба куни "Барселона" сафарда "Бетис" меҳмони бўлади.
